Kapen parcelat me kanabis, policia asgjëson 7378 bimë narkotike në Vaun e Dejës

Policia ka goditur këtë të mërkurë një tjetër rast të kultivimit të kanabisit në Vaun e Dejës.

Sipas uniformave blu gjatë aksionit të ndërmarrë në njësitë administarative Shllak dhe Temal, u gjetën dhe u asgjësohen 7378 bimë kanabisi.

Gjatë aksionit nuk u kap në flagrancë asnjë person, ndërkohë që vijon puna nga ana e policisë për identifikimin dhe kapjen e kultivuesve të lëndëve narkotike.

“Në vijim të megaoperacionit kombëtar policor, të koduar “Territor i pastër”, u evidentua dhe u godit 1 rast tjetër i kultivimit të bimëve narkotike, në Vaun e Dejës.

Shërbimet e Komisariatit të Policisë Vau i Dejës, gjatë kontrollit të territorit, në njësitë administarative Shllak dhe Temal, gjetën dhe asgjësuan 7378 bimë cannabisi.

Vijon puna për identifikimin, kapjen dhe nxjerrjen përpara përgjegjësisë penale, të shtetasve të tjerë të implikuar në këtë veprimtari kriminale”, njofton policia.