Kapet mbi 50 kg kokainë në portin e Durrësit

Mëngjesin e sotëm janë kapur 53 pako me kokainë në portin e Durrësit, të ndara në 2 çanta.

Gazetarja e Euronews Albania Kloida Gjuzi raporton se bëhet fjalë për mbi 50 kilogramë drogë.

Lënda narkotike është gjetur në një anije qymyri ‘Unistream’, që transportonte 6 500 ton qymyr, ndërsa kokaina është gjetur në hambar në mes të qymyrit.

Anija ishte nisur nga Barranquilla në Kolumbi në 26 prill dhe është ankoruar në Portin e Durrësit një ditë më parë.

Nuk është bërë e ditur ende nëse ngarkesa kishte destinacion final vendin tonë, apo porti do të shërbente si tranzit për të kaluar lëndën narkotike në një shtet tjetër.

Kapiteni i anijes është me shtetësi ruse. Deri tani nuk ka asnjë të ndaluar.

LEXONI GJITHASHTU:

• Sekuestrohen 500 kg kokainë në Zvicër, droga e fshehur mes thasëve me kafe