Kapet plantacioni i kanabisit në Spanjë, policia ndjek me helikopter shqiptarët

Policia spanjolle bën me dije se ka arrestuar, 1 shtetas shqiptar që merrej me kultivimin e kanabisit në një pyll midis Senterada dhe Vall Fosca, në malet Pallars Jussà.

Pas evidentimit të një plantacioni të madh kanabisi në mes të pyjeve, policia u vu në ndjekje të dy trafikantëve me origjinë shqiptare që ndodheshin aty.

Kërkimet u kryen dhe me helikopter nga ajri, ku pas disa orësh u bë i mundur arrestimi i një prej trafikantëve.

Ndërkohë që vijojnë ende kërkimet për shqiptarin e dytë, pjesë e kultivimit të drogës në Spanjë.

Operacioni në Senterada ndodhi disa ditë pasi policia spanjolle çmontoi një tjetër plantacion marihuane në mes të pyllit në Pallars më 6 shtator. Në këtë operacion u sekuestruan gjithsej 2800 bimë narkotike me lartësi gati një metër e gjysmë dhe me vlerë tregu rreth katër milionë euro.

Gjithashtu u gjetën dokumente të ndryshme dhe pesë aparate celularë. Policia katalanase arrestoi gjashtë persona, nga 25 deri në 48 vjeç, si përgjegjës për kultivimin.

Tre prej tyre u arrestuan fillimisht, ndërsa të tjerët u ndaluan pas ndjekjes në pyll.

LEXONI GJITHASHTU:

• Shkatërrohet banda e shqiptarëve në Spanjë, pastruan 65.5 mln euro në 1 vit
• “Pse e ke lënë makinën aty”- Dinamika e vrasjes në Shkodër, sherri nisi për parkimin