Kardiologu: Gratë merren më pak seriozisht nga mjekët për ankesat e tyre…

Mjeku kardiolog Indrit Temali tha se shpesh herë gratë  nuk merren shumë seriozisht nga mjeku, kur ato tregojnë për shqetësimet e tyre me zemrën.

I ftuar në  “Good Moorning Albanians”, ai tha se kjo ndodh për dy arsye, e  para se në përgjithësi gratë ankohen më shumë se burrat dhe e dyta se simptomat klinike që ato shfaqin nuk janë aq tipike sa ato që shfaqin burra, gjë që çon në vonesën e diagnostikimit.

Megjithatë ai tha se studimi i fundit, i cili tregon rrezikun e lartë që gratë kanë për t’u bërë pre e atakut kardiak tregon se mjekët duhet të jenë gjithnjë të vëmendshëm ndaj ankesave të tyre.

“Femrat kanë shpesh ankesa jo tipike, në kuptimin që nuk e kanë klinikën klasike që tregojnë meshkujt, kjo bën edhe që edhe mjeku të vonojë në diagnosë. Dhe paraqitja e grave te  mjeku, nuk merren shumë seriozisht.

Njihet një term “ankesat e grave”, gratë ankohen më shumë dhe mendohet se është thjesht një shqetësim i radhës. Ndaj ankesat e tyre nuk merren shumë seriozisht nga mjeku, familjarët, deri te hallka më e fundit që është kardiologu”,-tha mjeku kardiolog Indrit Temali.

LEXONI GJITHASHTU:

• “I hynin policët në klasë”, Shehu- Bushatit: E vërteta e mbylljes së shkollave turke
• Basha në krye të PD? Gështenja: Kemi nevojë për një figurë që i bashkon demokratët