KAS pranon ankimimin e Alibeajt, Nuraj: Maskaradë, vendim i paligjshëm

Ledio Nuraj, përfaqësues ligjor i grupimit të drejtuar nga Sali Berisha, ka dalë në një deklaratë për mediat pas vendimit të KAS që pranoi ankimimin e Enkelejd Alibeajt për regjistrimin e PD-së në zgjedhjet e 14 majit.

Ai tha se vendimi i KAS ishte në paligjshmëri të plotë ndërsa nënvizoi se vendimin do e ankimojnë.

Ndër të tjera  Nuraj tha se KAS i dhuroi Alibeajt atë që nuk e kishte kërkuar as vet ai.

“Vendimi i KAS është në paligjshmëri të plot, këtu vazhdon skenari i thurur që po vazhdon prej një viti kundër PD. Sot KAS mori një vendim që Gjykata nuk guxoi që prej një viti e gjysmë ta ndërmerrte. Sot KAS i dhuroi Alibeajt atë që nuk kishte kërkuar as vetë ai. Kjo është një maskaradë. Janë shkelur të gjithë dispozitat. Do ta ankimojmë”- tha ai.

LEXONI GJITHASHTU: 

• Alibeaj në Këshillin e Integrimit: PD s’e di ende nëse do regjistrohet në zgjedhje
• Këshilli i Integrimit| Xhaçka: BE është zgjedhja jonë strategjike dhe ndërbreznore