Gjatë 24 orëve të fundit në Maqedoninë e Veriut kanë humbur jetën për shkak të Covid-19 katërmbëdhjetë qytetarë.

Lajmi bëhet i ditur nga ana e Ministrisë së Shëndetësisë, e cila shton se nga 2176 teste të kryera për coronavirus, 361 prej tyre kanë rezultuar  pozitivë.

Autoritetet shëndetësore bëjnë me dije se nga fillimi i pandemisë dhe deri sot kanë ndërruar jetë 2696 pacientë, shumica prej tyre me sëmundje bashkëshoqëruese.

Tregues tjetër pozitiv mbi epideminë është edhe numri i të shëruarve. Instituti Kombëtar i Shëndetit Publik bën të ditur se  në orët  e fundit janë shëruar 2116 persona, duke e çuar kështu në total listën e personave të shëruar në 71592.

Qyteti më i prekur në vendin fqinj nga Covid-19 është Shkupi, kryeqyteti i Maqedonisë së Veriut.