Këlliçi: Çdo shqiptar e kuptoi se partinë nuk e bën vula dhe godina

Deputeti i Partisë Demokratike, Belind Këlliçi deklaroi se çdo qytetar shqiptar e kuptoi në 8 muajt e fundit, se partinë nuk e bën vula dhe godina, por sakrificat, idealet e kauza.

Gjatë fjalës së tij në Kuvendin Kombëtar, Belliçi u shpreh se opozita ka fajet e saj për faktin që kryeministri Edi Rama sot po e sundon vendin.

“Çdo qytetar shqiptar shqiptar e kuptoi në këto 8 muaj se partinë nuk e bën vula as godina, por sakfificat, idealet dhe një kauzë. Nëse sot Shqipëria jonë sundohet nga një klikë me në krye Edi Ramën që merr gjithmonë e më shumë pushtet, kjo ka ndodhur edhe për fajin tonë”, tha Këlliçi.

Sipas tij, kjo nuk do të kishte ndodhur nëse Rama do kishte përballë një opozitë të fortë, të lirë dhe të vërtetë që nuk luhatet sipas interesave.

Këlliçi nënivzoi se opozita nuk do të jetë fasadë, teksa shtoi se vota e lirë është modeli për zgjedhjen e strukturave të reja në Partinë Demokratike.

LEXONI GJITHASHTU

• Berisha për Kuvendin e 30 prillit: Ditë e një rëndësie të madhe
• Komisioni i Rithemelimit mban sot Kuvendin, pikat kryesore që do shqyrtohen