Këlliçi: Deputetët e PD-së duhet të jenë përballë Ramës, e jo patericë e qeverisë

Deputeti i PD-së Belind Këlliçi, është shprehur se deputetët e kësaj force politike i kanë marrë votat për të qenë përballë Edi Ramës dhe jo patericë e tij.

Në një intervistë për Euronews Albania, ai theksoi se të gjithë deputetëve të PD-së u është bërë thirrje që të bashkohen me shumicën.

“Votat që kanë marrë i kanë marrë për të qenë përballë Edi Ramës dhe jo për të qenë patericë e qeverisë, i kanë marrë për të përfaqësuar PD-në. Thirrja është bërë për t’u bashkuar me shumicën. Bahsa është deputet i PD-së. Ai duhet të merret me probleme të tjera që duhet të merret me të”-deklaroi deputeti.

Këlliçi teksa diskutoi për situatën brenda PD, nënvizoi se koha do të rregullojë çdo gjë.

Deputeti ndër të tjera deklaroi se pengesa e vetme në partinë e tyre është grupi parlamentar pasi sipas tij është i ndarë në tre pjesë.

“Është çështje kohe derisa çdo gjë të shkojë drejt kompaktimit të plotë. Ka një diferencë të madhe midis bazës të PD që nuk ka ndonjë çarje të madhe. I vetmi andikap qëndron te grupi parlamentar që është i ndarë në treshe. E mira është që të gjithë të bëjnë detyrën për të cilën jemi zgjedhur.  Por është një çështje që i takon koha. Kreu i Grupit Parlamentar për demokratët është Luçiano Boçi. Enkelejdin e njeh Nikolla si kreun e grupit parlamentar por jo i demokratëve”- theksoi Këlliçi.

LEXONI GJITHASHTU:

•  ‘U thirra për një hetim’, Fatmir Mediu flet pas marrjes në pyetje nga SPAK
• Deputeti i Partisë Demokratike tregon pse u mor në pyetje nga SPAK-u
• Edmond Budina: Të heqim mafien në pushtet dhe jo filmat e komunizmit