Arton Turkaj, një personazh i njohur i rrjeteve sociale si dhe botës së gazetarisë në Kosovë, ndërroi jetë ditën e mërkurë.
I riu u nda papritur nga jeta për shkak të një sulmi në zemër gjatë natës së 27 dhjetorit.
Turkaj ishte një personazh shumë i dashur në rrjete sociale, veçanërisht për memet e tij dhe statuset ku me humor ironizon aktualitetin në Kosovë.
Në lidhje me vdekjen e gazetarit ka reaguar dhe këngëtari nga Kosova, i njohur me emrin e artit “Fero”.
Fero ka bërë një reagim të pazakontë në lidhje me vdekjen e Turkaj, duke shkruar në Instagram:“Urime vdekjen gazetar! Kalofsh mirë sonte në varr!”.
Këngëtari nga Kosova, i cili prej kohësh ka njoftuar largimin e tij nga muzika dhe përkushtimin në fenë islame, e cilëson vdekjen e gazetarit si një ndëshkim nga Allahu.
Fero shpërndau një postim që gazetari kishte bërë një ditë para vdekjes në rrjetin social “Facebook” ku shkruante: “Urime Krishtilindjet jau boft Allahu kabull.”
Me sa duket ka qenë ky status që e ka shtyrë Feron të reagojë për vdekjen e gazetarit në atë mënyrë të papërshtatshme.
LEXONI GJITHASHTU:
- Ndahet nga jeta në moshën 75-vjeçare aktori i madh Mirush Kabashi
- Ndahet nga jeta në moshë të re, gazetari dhe personazhi i njohur në rrjete sociale
