Ministri Mbrojtjes në Kosovë, Ejup Maqedonci ka thënë në një intervistë ekskluzive në Euronews Now se përmes fjalimit që Vuçiç mbajti në konferencën e jashtëzakonshme, ka dy synime të qarta.

I pari sipas tij është shfrytëzimi i rastit nga Vuçiç, në mënyrë që të “zbusë” presionin e faktorit ndërkombëtar, kjo për shkak të lidhjeve të fundit të Serbisë me Rusinë, Iranin, Korenë e Veriut dhe Kinën.

Ndërs synimi i dytë në logjikën që ministri ndoqi është të mbajë nën presion edhe Kosovën, ashtu siç ai ka bërë gjatë periudhës së fundit në raport me të, por edhe me shtet fqinje.

Ministri Maqedonci e komentoi kështu fjalimin e presidentit Vuçiç:

“Në fakt gjatë periudhës së fundit Vuçiç ka dhënë parlajmërime të tilla, ka vendosur kushte dhe kërkesa të ndryshme,që janë plotësisht në përputhje me poltikat e Serbisë në raport me Kosovën dhe fqinjët e tjerë, pra qasjen hegjemoniste që po ndjek politika serbe. Kjo jo vetëm në raport me Kosovën, por edhe me fqinjët e tjerë. Vuçiç po e shfytëzon këtë për të bërë presion edhe në bashkësitë ndërkombëtare, pra në faktorin ndërkombëtar me qëllim që të shtyjë interesat e politikës së Serbisë në raport me Kosovën dhe përfitimet si vend europian dhe siguria e përgjithshme që ofron NATO. Me këtë ai vazhdon të paraqesë republikën e Serbisë si një viktimë që dihet se politikat e saj në vitet e fundit kanë qenë të ashpra, e dihet që edhe fqinjët e vet nuk e kanë cënuar apo rrezikau territoprin ose qytetarët e Serbisë. përmes këtyre kushteve kërkon të mabjë nën presion Kosovën dhe të ndikojë tek faktori ndërkombëtar për zbutjen e presionit për çështjen e grupit Radojçiç, por edhe bashkëpunimet e fundit që Vuçiç po rrit për furnizimin me armatim nga Rusia, Irani, Kina dhe Koreja e Veriut.”

LEXONI GJITHASHTU:

• Serbët nga Kosova për kërkesat dhe masat e Vuçiçit: Tradhti, mashtrim, besim
• Zëdhënësi i BE: Mirëpresim thirrjet e Vuçiç për riintegrimin e serbëve në Kosovë