Kirurgu Alushani: Fëmijës iu vendos një tub në fshikëz me pjesë të zorrës së tij

Kirurgu Dritan Alushani ka folur në lidhje me operacionin e kryer në Pediatrinë e Tiranës, e cila zgjati rreth 13 orë, pasi një fëmijë kishte lindur me anomali të fshikëzës urinare.

Në emisionin “Good Morning Albanians” në Euronews Albania, Alushani deklaroi se tubi që i është vendosur, u krijua nga pjesë të zorrës.

“Nuk është hera e parë, ne kemi pasur një operacione të tilla. Ka disa veçorira që kanë qenë për herë të parë. Themi ai tubi që u vendos midis fshikëzës së urinës edhe një kanali, vrime që krijohet në bark, në mënyrë që të kataterizohet, sepse do të kataterizohet gjithë jetën me këtë tubin, që të arrijë të zbrazë urinën.

Kjo ishte e veçanta. Ky operacion është bërë nga ne, nga kirurgë të huaj që kanë ardhur më përpara te ne. Ky tubi ishte krijuar nga pjesë të zorrës, kjo e shton kohën e operacionit dhe vështirësinë, por që shkoi mirë. Menduam që do shkonte rreth 8-9 orë”, theksoi ai.

LEXONI GJITHASHTU

• Mjeku që bëri 13 orë operacion: Fëmija i lindur, me anomali të fshikëzës urinare
• Trajnerja: I kam hequr 60 kg klientes për 8 muaj vetëm me palestër
• Trajnerja e palestrës: Jam kundër dietave, si mund të jetosh pa vaj e pa kripë