“Kishte alergji nga uji”,mjekja: Pacientja pinte ilaçin dhe lahej me letra të lagura

Mjekja alergologe Alketa Ibranji ishte këtë të martë e ftuar në “Good Morning Albanians” për të folur për alergjitë. Ajo ka treguar mes të tjerave një fenomen të rrallë siç është alergjia nga uji.

Mjekja tha se gjatë eksperiencës së saj ka pasur dy paciente me këtë lloj alergjie dhe tregoi se njëra prej tyre merrte ilaçin e alergjisë gjithnjë para se të lahej me letra të lagura.

“Alergjia aquagenice është një fenomen shumë i rrallë dhe gjithmonë shikohet mos ka ndonjë komponent, problem tjetër imunitar. Është shumë i rrallë si fenomen. Unë në jetën time kam parë dy raste, të dyja femra që kur fusnin duart te rubineti i ujit, kishin kruarje gishtash e duarsh.

Njëra ishte 35-vjeçe ndërsa tjetra 22. Kjo është një fenomen që shfaqet gjatë rrugës, nuk lind me atë. Njëra prej tyre lahej me peceta të lagura, merrte ultracorten para se të lahej. Të dyja kishin nga një patologji nga pas”,-tha mjekja alergologe Ibranji.

LEXONI GJITHASHTU:

• Nutricionistja: Syfyri duhet të ketë më shumë bollëk sesa Iftari
• “Kujdes nga polenet e rrapit”, Merja: Oraret më të rrezikshme për alergjikët…