Klosi flet për provat: Kemi audio për 21 janarin, si u dha urdhri për të qëlluar

Deputeti i Partisë Socialiste, Blendi Klosi foli në “Now me Erla Mëhillin” për prova “të nxehta” sa i takon çështjes së 21 janarit.

Sipas tij ka audio në të cilat tregohet si u dha urdhri për të qëlluar.

“Ne po i kërkojmë drejtësinë që të gjykojë. I drejtohemi drejtësisë që të hetojë këtë fakt të ri, sepse nuk është një fakt që del jashtë një konteksti që ne të gjithë e dimë. Është një fakt i cili del mbi një bazë reale të jetuar, të parë, të vëzhguar, të dëgjuar. Kemi qenë të gjithë atje, nuk është një ngjarje që ka ndodhur diku larg. Ne të gjithë e dimë që kjo ka ndodhur. Sot kemi dhe me voice, mbase mund të kemi dhe më shumë se voice për të kuptuar se si është dhënë urdhri për të qëlluar dhe pse është dhënë urdhri për të qëlluar,” – u shpreh Klosi.

LEXONI GJITHASHTU:

• Audio-përgjimi për 21 janarin, Prokuroria e Tiranës: Kemi nisur verifikimet
• Kallëzimi i PS për 21 janarin, Prençi: Tymnajë para zgjedhjeve, ku ishin që 12 vjet?