“Kohë e mbrapsht”, Mentor Kikia: Thashethemet dhe lajmet pa vlerë, më të lexuarat

Gazetari Mentor Kikia, tha se për median kjo është një kohë e mbrapsht pasi pavarësisht se mund të shkruash lajme të cilat kanë rëndësi për shoqërinë, janë thashethemet rozë ato që rrëmbejnë më shumë vëmendje.

I ftuar në “Good Moorning Albanians”, Kikia tha se edhe nëse do bënim një kërkim në mediat më të rëndësishme shqiptare lajmet më të lexuar, janë lajmet me thashetheme.

“Për fatin e keq ne jemi në një kohë të mbrapsht, ku nuk e di nëse është faji i shoqërisë apo faji jonë që kemi ndikuar në formimin e këtij lexuesi apo shikuesi, por nëse unë do bëj një lajm ku do denoncojë një padrejtësi, një aferë korrupsioni do denoncojë një problem të madh të shoqërisë, kjo  nuk merr vëmendjen e duhur, por nëse flasim për një lajm krejt pa vlerë, patjetër do ketë një vëmendje të jashtëzakonshme nga publiku.

Edhe në mediat më të rëndësishme në vend, në listën e lajmeve më të lexuar do shikoni se në krye të listës janë lajmet me thashetheme rozë”,-tha Mentor Kikia.

LEXONI GJITHASHTU:

• Gazetari Hoxha: Kudo ka gazetarë që korruptohen, kthehen në biznesmenë
• Hajdarmataj: Gabimi i policisë në vdekjen e kenianes dhe akti i ekspertizës që…