“Komision hetimor për akuzat”, Zhupa tregon se a e ka takuar opozita McGonigal

Deputetja e PD-së Ina Zhupa është shprehur se mazhoranca po i mohon të drejtat kushtetuese opozitës.

Në një intervistë për Euronews Albania, Zhupa referuar çështjes së McGonigal theksoi se kreu i qeverisë Edi Rama nuk duhet të japë përgjigje vetëm para SPAK por dhe para shqiptarëve e deputetëve të opozitës.

Ndër të tjera ajo theksoi se takimet që kanë bërë anëtarë të opozitës me McGonigal janë rastësore dhe se asnjë nga ata nuk përfshihen në aktakuzën amerikane.

‘Këta po mohojnë të drejtë kushtetuese të një opozite, Ne nuk kemi fuqi kartonësh. Ne do të ndjekim të gjitha rrugët kushtetuese brenda dhe jashtë vendit, për të garantuar të drejtat për opozitën. Nuk bëhet fjalë për një aferë të vogël, që Rama të përgjigjet vetëm në SPAK, por duhet të përgjigjet dhe para qytetarëve dhe deputetëve të cilët janë votuar atje për të bërë opozitë. Hetimi parlamentar nuk mohon të drejtën që dhe mazhoranca të ftojë dëshmitar dhe të kërkojë provat që duan.

Ata e dinë shumë mirë se takimet e opozitës që ata përflasin janë rastësore dhe që nuk rezultojnë në aktakuzën amerikane. Fakti që është vetëm Rama, tregon që vetëm Rama po korruptohet dhe se ai ka lidhje me agjentin e FBI-së. Jam e bindur se nëse do të ngrihet Komisioni Hetimor  do të kishim gatishmëri të plotë nga Ambasada për të çuar shkresat tona dhe në institucionet amerikane’- tha Zhupa.

LEXONI GJITHASHTU: 

• “Akuzat ndaj Ramës në SHBA”, Zhupa: S’presim që ai të pranojë shkeljet që ka bërë
• Arrestohen dy mjekë në QSUT, merrnin ryshfet për kryerjen e skanerit