Komisioni i Ligjeve ka miratuar raportin për kandidaturën e Bajram Begaj për postin e Presidentit të Republikës.

Ky raport do t’i përcillet seancës plenare në Kuvend për votim, e cila do të mbahet këtë të shtunë në orën 18:00.

Raporti u miratua vetëm me votat e anëtarëve të Partisë Socialiste. Deputetët e opozitës, Oerd Bylykbashi i PD-së dhe Erisa Xhixho e LSI-së, votuan kundër.

Sipas deputetes së PS-së, Klotida Busha nuk ka asnjë pengesë për kandidimin e Begajt, pasi ai i plotëson të gjitha kushtet ligjore dhe kushtetuese.

Më herët gjatë ditës së sotme, Presidenti Meta ka firmosur dekretin për lirimin nga detyra e Shefit të Shtabit të Përgjithshëm të Forcave të Armatosura, Bajram Begajt duke i hapur rrugë votimit të tij në postin e Kreut të ri të Shtetit.

LEXONI GJITHASHTU

• Meta i hap rrugë Bajram Begajt drejt Presidencës, firmos lirimin nga FA
• ‘Shqipëria mbi gjithçka’, mesazhi i Begajt para se të votohet si president