Komisioni i Posaçëm Antikorrupsion, Basha: Manovër elektorale, qeveria s’ka vullnet

Kreu i Partisë Demokratike Lulzim Basha doli në një deklaratë për mediat para nisjes së Kuvendi. Ai tha se Komisioni i Posaçëm Antikorrupsion është një manovër elektorale e kryeministrit Rama.

Basha tha se PD nuk bëhet pjesë e lojërave të Ramës, duke thënë se s’kanë vullnet për të luftuar korrupsionin.

“Pse ky parlament e mban të bllokuar kuvendin e Shqipërisë, për propozimet e Partisë demokratike për të ndihmuar SPAK-un  me burime njerëzorë dhe me infrastrukturën e nevojshme ligjore. Përgjigjja ndaj kësaj pyetje është e qartë.

Ndryshe nga ç’thotë kjo mazhorancë nuk ka asnjë interes që të ndihmojë institucionalisht, financiarisht dhe nga pikëpamja e kompetencave ligjore, strukturën e posaçme anti-korrupsion, por po bëjnë gjithçka për ta rrëzuar atë, për ta dobësuar atë, për ta intimiduar atë. Nuk ka arsye për SPAK-un të ekzistojë nëse nuk do të kishim korrupsionin e Edi Ramës, pa të nuk do të kishim pasur nevojë për SPAK.

Kjo qeveri, ky kryeministër dhe SPAK-u janë në antagonizëm të natyrshëm. Ne kemi bërë një propozim konkret, votoni amendamentet për SPAK-un, janë në Kuvendin e Shqipërisë, futini në komisionin e ligjeve, sillini në kuvend dhe jemi gati të bashkojmë votat me partinë socialiste për të votuar amendamentet që fuqizojnë SPAK-un dhe luftën kundër korrupsionit. Por kjo nuk ndodh se po të mos ishte për korrupsionin e kësaj qeverie nuk do kishte nevojë për SPAK.

LEXONI GJITHASHTU:

• Basha: PD nuk do ta votojë rezolutën anti-korrupsion, dëmton SPAK
• Basha: Simboli famëkeq me 3 gishtat i përdorur nga Vuçiç, sinjal i keq për paqen