Komisioni i Reformës Zgjedhore, Alibeaj: Nikolla toleroi moszhvillimin e seancës

Ka nisur online mbledhja e Komisionit për Reformën Zgjedhora pasi dështoi fizikisht ku demokratët patën përplasje me socialistët.

Bashkëkryetari i Komisionit Enkelejd Alibeaj është shprehur se është kryetarja Lindita Nikolla, e cila ka toleruar mos-zhvillimin e komisionit.

Në fjalën e tij, ai nënvizoi se kryetarja Nikolla duhet të garantojë zhvillimin e Komisionit në mënyrë fizike pasi vetëm kështu deputetët kanë mundësi të diskutojnë.

“Është kryetarja e Kuvendit e cila për arsyet e veta jo dashamirëse ka toleruar mos-zhvillimin apo pengimin e këtij komisioni. Kështu që thirrja ime i adresohet zonjës Nikolla, në cilësinë e kryetares së Kuvendit që  të garantojë zhvillimin normal dhe efektiv të veprimtarisë së këtij komisioni.

Do jetë gjithmonë kërkesë sistematike dhe insistuese që kryetarja të garantojë zhvillimin e komisionit të reformës. Ne i qëndrojmë gjithmonë rregullores që mbledhjet e komisionit duhet të zhvillohen fizikisht në mënyrë që të gjithë të kenë mundësi të diskutojnë. Kjo reformë do të gëzojë legjitimitetin publik”-tha ai.

Në mbledhjen online po marrin pjesë vetëm deputetët e PD, mbështetës të Lulzim Bashës, ndërsa kanë refuzuar që t’i bashkohen mbledhjes mbështetësit e Sali Berishës.

LEXONI GJITHASHTU: 

• Bislimi: BE-ja t’i trajtojë njëjtë Kosovën dhe Serbinë në rrugën drejt integrimit
• Reforma Zgjedhore, Bylykbashi: Ne i mundësuam Ramës rotacionin në 2013, ai s’e lejon