Këtë të shtunë mbahet Kuvendi Kombëtar i Partisë Demokratike, i thirrur nga Komisioni i Rithemelimit.

Gazetari i “Euronews Albania”, Ardit Hoxha raporton se vendimi i parë i cili pritet të shqyrtohet dhe më pas të miratohet nga anëtarët e Kuvendit, do të jetë ai sa i takon ndryshimeve në statutin e miratuar në 11 dhjetor.

Ndryshimi ka të bëjë me përfshirjen si anëtar të Këshillit Kombëtar të deputetëve të Partisë Demokratike dhe kryetarëve të rinj të degëve ex-oficio.

Përveç 150 anëtarëve të cilët do të votohen, 52 deputetë dhe 72 kryetarët e degëve do të përfshihen ex-oficio.

Gjithashtu, pozicion ex-oficio në Këshillin Kombëtar të Partisë Demokratike sipas këtyre ndryshimeve marrin edhe ish-drejtuesit e lartë në institucionet shtetërore të cilët kanë qenë figura të rëndësishme në PD.

Pika tjetër e rëndësishme në Kuvendin e sotëm do të jetë votimi për datën e zgjedhjeve të kryetarit të ri. 21 ose 22 maj është data e propozuar nga Komisioni i Rithemelimit dhe do do të jenë 1800 delegatët eKuvendit Kombëtar të cilët do të vendosin.

Punimet e këtij Kuvendi do të nisin prej orës 10 të mëngjesit, ndërsa votimi do të nisë në orën 14:00.

LEXONI GJITHASHTU

• Komisioni i Rithemelimit të PD zgjedh të shtunën Këshillin Kombëtar
• ‘Ndryshime në statut’, Bumçi tregon detaje nga Kuvendi Kombëtar i 30 prillit