Komisioni i Rithemelimit mban sot zgjedhje në 5 degë të PD

Komisioni i Organizimit dhe Kontrollit të Operacioneve Elektorale të Partisë Demokratike njofton se këtë të dielë po zhvillohen zgjedhjet për Kryetar në 5 degë të PD.

Zgjedhjet po zhvillohen në degët Krujë, Belsh, Maliq, në degën 14 në Tiranë dhe në Vorë.

Komisioni ka ftuar të gjithë anëtarët e PD të degëve ku do të mbahen zgjedhje që të bëhen pjesë e procesit të votimit.

Bashkë me këto 5 degë që zgjedhin kryetarin sot, shkon në 59 numri i degëve të Partisë Demokratike që kanë mbyllur procesin e riorganizimit para Kuvendit të 30 prillit.

Procesi vijon të kundërshtohet nga pjesa tjetër në Partinë Demokratike që ka kërkuar shtyrjen e tij dhe përfshirjen e të gjithë demokratëve.

Ndërsa, më 22 prill Gjykata e Tiranës pranoi ankimin e Partisë Demokratike, përfaqësuar nga Enkelejd Alibeaj, duke legjitimuar atë si ankues.

Gjyqtarja Blerina Muça e ka rikthyer çështjen për rigjykim dhe tashmë çështja shkon për shqyrtim në Gjykatën e Apelit.

LEXONI GJITHASHTU

• Shpallen fituesit në zgjedhjet e Rithemelimit për disa degë të PD-së