Komisioni i Sterilizimit: Bllokohet informacioni nga institucionet

Deputetët e maxhorancës dhe Rithemelimit u përplasën në Komisionin Hetimor për Shëndetësinë, në një mbledhje që zgjati më shumë se 2 orë. Opozita akuzoi se PS po zvarrit qëllimisht punën, ndërsa deputetët e majtë refuzuan të miratojnë listën e kërkesave për informacion që do t’i dërgohen insitucioneve.

Komisioni Hetimor për Sterilizmin dhe Check-upin u shoqërua me debate të shumta, ku për më shumë se dy orë, deputetët e majtë dhe të djathtë hodhën akuza, të cilat thuajse nxorën nga konteksti arsyen e mbledhjes. Debatin e parë e nxiti nje deklaratë për konfliktin e interesit, që deputetët e Rithemelimit insistuan të firmoset nga kolegët e mazhorancës, e këta të fundit e refuzuan.

Debatet proceduriale vazhduan më tej me kërkesa për hetim dhe prova, derisa në fund u miratua një komision me 4 ekspertë që do të ndihmojnë punën e Komisionit Hetimor për 2  Koncesionet në Shëndetësi.

Vetëm me votat e opozitës, Vokshi nuk ia doli të miratonte listën e gjatë me kërkesat për informacion drejtuar 12 institucioneve. Në këtë kushte mbylli mbledhjen, për ta vazhduar sërish të mërkurën pas mesdite.