Komisioni për TIMS, miratohen kërkesat për informacion për ekspertët

Komisioni Hetimor për daljen e të dhënave të sistemit TIMS është mbledhur këtë të premte, me praninë edhe të anëtarët socialistë, të cilët e braktisën mbledhjen e shkuar.

Gjatë mbledhjes së sotme u diskutua mbi kërkesat që do i dërgohen institucioneve për informacion.

Nënkryetari Toni Gogu deklaroi gjatë fjalës së tij se rikonfirmoi qëndrimin e mazhorancës për të kryer një hetim të plotë konform ligjit e larg retorikës politike.

“Për të treguar vullnetin tonë të palëkundur për të hetuar, kursyem retorikat politike dhe gjithë kohën e vumë në dispozicion të veprimeve proceduriale. Kaq ishte e gjitha, Ervin”, deklaroi Gogu.

Anëtarët e komisionit ranë dakord të miratojnë kërkesat e ekspertëve për të mbledhur informacion në mënyrë që më pas të vijohet me planin hetimor.

LEXONI GJITHASHTU:

• Debati për TIMS/ Salianji: Depozituam kërkesë për informacion, do presim 5 ditë
• TIMSI| Karamuço: Ka të dhëna për amerikanët, ditë të zeza për ata që e fshehin