Koncert bamirësie në ndihmë të fëmijëve me aftësi ndryshe

Belkisa dhe Esteri janë 2 vajza me sindromën Down. Së bashku me shumë fëmijë të tjerë me aftësi ndryshe ato perfrmuan si balerina në një shfaqe organizuar enkas për Krishtlindje.

Esteri në klasë të parë, ka 1 vit që merret me kërcim. Ndërsa Belkisa me muzikën ka lidhje më të hershme.

Gjatë aktivitetit u ekspozuan punime të fëmijëve me aftësi ndryshe, përfshirë dhe libra të botuar prej tyre.

Paratë shkojnë për terapitë që sipas Eglantina Bajramit, kryetare Klubit Kombëtar të prindërve me Fëmijë të Spektrit Autik, kushtojnë shumë.

“Në një muaj, me një orë terapi shkon 35 mijë lekë. nëse e bëjmë 3-6 orë shkon deri ne 100 mijë e më lart.”-thekson ajo

Sipas statistikave të OBSH në bazë të numrit të popullsisë në Shqipëri llogariten të jenë rreth 10 mijë fëmijë të spektrit autik.

Në Tiranë janë të deklaruar rreth 2300, ndërsa në shkolla në të gjithë Shqipërinë janë të regjistruara 1771. Por numri i të padeklaruarve është shumë më i lartë.

“Nëse ndërhyrja fillon në fëmijërinë e hershme, të jenë të sigurtë të gjithë se ata integrohen, nga 50% -90%”- thotë Bajrami, kryetare Klubit Kombëtar të prindërve me Fëmijë të Spektrit Autik.

Me aftësi ndryshe apo jo, dashuria që këta fëmijë falin është e madhe.