Koncesioni i sterilizimit, Berisha sulmon SPAK: Nuk hetoi zyrtarët e lartë

Ish-kryeministri Sali Berisha ka vijuar sulmet në lidhje me aferën e koncesionit të “sterilizimit” dhe hetimet që po bën SPAK për këtë dosje.

Në një reagim në Facebook, Berisha akuzon prokurorinë special se nuk ka bërë hetime serioze dhe nuk ka përfshirë zyrtarët më të lartë shtetërorë që kanë përgjegjësi direkte për koncesionin e sterilizimit.

“Byrazeri firmosi dhe i fali kompanisë së vet dhe muratorit Rrapaj aparaturën ultramoderne të sterilizimit të blerë 1.7 milionë euro. Ai i dhuroi me firmën e tij, një kat të spitalit të sapo ndërtuar dhe i fali me firmën e tij dhjetëra mijëra instrumente kirurgjikale, me të cilat kryheshin dhjetëra mijëra operacione, dhe së fundmi firmosi për të marrë falas nga shtetit edhe ujin, energjinë elektrike, për sterilizim”, tha Sali Berisha, kreu i Rithemelimit në PD.

Berisha shprehet se kosto e sterilizimit u rrit me 80 herë, dhe sipas tij koncesioni iu kushtoi shqiptarëve deri sot 76 milionë euro dhe shumë jetë të humbura.

LEXONI GJITHASHTU:

• “SPAK instrument i Ramës”, Berisha: Të ngrihemi në protestat më fuqishme ndonjëherë
• Berisha: Shoqëria është në prag vetëvrasje, sot shqiptarët janë në duart e krimit