“SPAK instrument i Ramës”, Berisha: Të ngrihemi në protestat më fuqishme ndonjëherë

Kreu i Rithemelimit, Sali Berisha mblodhi sot kryesinë e partisë ku theksoi se aksioni i vetëm që i ka mbetur opozitës janë protestat më të mëdha që janë mbajtur ndonjëherë.

Ai akuzoi SPAK se është instrument i partisë në pushtet dhe bashkë me SHIK dhe institucionet e tjera janë 1 me Ramën kundër popullit opozitar.

“Në revanshin e tij, krimi i organizuar kapi zyrtarisht me mandat parlamentar drejtimin e ministrisë së presupozuar të antikrimit. Kështu që detyra e opozitës është të bindë çdo anëtar dhe mbështetës të saj të ngrihet në protesta që qëndrueshme, të mos ulim kokën. T’i shtrish qafën krimit, do të thotë të të presë kokën. Dhe këtë shqiptarët nuk duhet ta bëjnë kurrë. Këta janë kriminelë që duhet të largohen një minutë e më parë nga pushteti. Këta nuk respektojnë asnjë rregull, asnjë normë, asnjë parim, asnjë ligj. Këta kanë shndërruar pasuritë e vendit në pasuri personale të klaneve dhe familjeve të tyre. Këta ua kanë marrë shqiptarëve të dhënat personale dhe ia kanë dorëzuar krimit me Taulant Ballën”, tha mes të tjerash Berisha.

LEXONI GJITHASHTU:

• Berisha: Shoqëria është në prag vetëvrasje, sot shqiptarët janë në duart e krimit
• Berisha: Ftoj qytetarët të ngrihemi në protesta të fuqishme kundër korrupsionit