Konflikt për guroren në Borizanë, një person në gjendje të rëndë

Dy persona kanë mbetur të plagosur si pasojë e një konflikti që ka ndodhur në Borizanë të Krujës.

Policia bën me dije se gjatë konfliktit shtetasit Xh. Rr., I., Rr., dhe K. Rr., dyshohet se kanë goditur me sende të forta shtetasit ashar Maja dhe Bilbil Maja të cilët si pasojë janë dëmtuar dhe ndodhen në spital, nën kujdesin e mjekëve.

Shkak për konfliktin midis këtyre shtetasve dyshohet të jetë një gurore në fshatin Borizanë, në pronësi të shtetasit P. Rr., i cili ka leje shfrytëzimi dhe licensë për zhvillimin e aktivitetit dhe sipas pretendimeve të shtetasve të dëmtuar, Jashar Maja dhe Bilbil Maja kur ndodhin plasje në gurore, krijon shqetësime në banesat e tyre.

Shërbimet e Komisariatit të Policisë Krujë kanë shoqëruar shtetasit Xh. Rr., dhe P. Rr., si dhe po punojnë për shoqërimin e shtetasve I. Rr., dhe K. Rr., të përfshirë në këtë konflikt.

Grupi hetimor në bashkëpunim me Prokurorinë po punon për sqarimin e rrethanave të ngjarjes dhe në përfundim të veprimeve hetimore do të ketë një informacion të plotë.

LEXONI GJITHASHTU:

• Alqi Bllako para GJKKO: Jam i pafajshëm, zgjidhja vetëm anëtarët e komisionit
• Kryeministri Rama mbërrin në aeroportin e Prishtinës, kush është personi që e priti