Një konflikt mes adoleshentëve në qytetin e Peshkopisë ka përfunduar me përdorimin e thikës, ku për pasojë një 20-vjeçar ka mbetur i plagosur.
Sipas informacioneve paraprake i riu aktualisht po merr kujdesin e nevojshëm mjekësor në spital dhe ndodhet jashtë rrezikut për jetën.
Policia e Dibrës ka shpallur në kërkim autorin e dyshuar të ngjarjes, shtetasin E. E., 19 vjeç, banues në Peshkopi.
19-vjeçari gjatë një konflikti për motive të dobëta, ka nxjerr thikën që mbante me vete dhe ka dëmtuar 20-vjeçarin.
Ndërkohë, policia ka proceduar penalisht dhe shtetasit A. P., 19 vjeç, K. Xh., 19 vjeç dhe O. E., 20 vjeç, të cilët dyshohet se kanë qenë të pranishëm në momentin e konfliktit, por nuk kanë kallëzuar ngjarjen.
Policia e Dibrës po punon intensivisht për kapjen e shtetasit E. E., ndërkohë që po hetohet për zbardhjen e rrethanave të plota të ngjarjes.
LEXONI GJITHASHTU:
- Kush është punonjësi i ushtrisë që s’iu bind policisë dhe mori përpara efektivin
- Ushtaraku me motor nuk i bindet policit rrugor në Tiranë, e dëmton në krah
