Konflikti mes demokratëve/ Sula: Shyqyr që Kuvendi ka disa “trazovaçë” si ne

Deputeti i Partisë Demokratike Dashnor Sula ishte këtë të enjte i ftuar në Euronews Albania ku ka komentuar, aksionin opozitar si dhe konfliktin e ndodhur në Komisionin e Medias.

Ai tha se situata nuk është aspak normale, por ai dhe kolegët e tij demokrat nuk mund të pranojnë që thjesht të marrin rrogën kot. Sipas tij, është në të mirën e vendit që në kuvend ka njerëz rebel, të cilët përpiqen të ndryshojnë diçka.

“Shyqyr që ka ca burra dhe ca gra “trazovaç”, mund të na quajnë edhe njerëz rebel, që të bëjnë diçka të tillë se bota kështu është ndërtuar miku im”,-tha deputeti i PD, ndërsa e quajti turp nëse për konfliktin në e ndodhur mes Flutura Açkës, Gazment Bardhit dhe Flamur Nokës, në Komisionin e Medias, sekretariati i etikës do të merrte masë ndëshkimore “përjashtim me 60 ditë”.

“Është turp njëherë, me dorë nuk e ka prekur njeri. Ia hoqën mikrofonin. Sjellja nuk është normale pa diskutim, por s’mund të zgjedhim unë dhe kolegët e mi që të marrim rrogën e të ikim në shtëpi”,-tha deputeti Sula.

LEXONI GJITHASHTU:

• Theu masën e sigurisë “arrest shtëpie”, 33-vjeçari përfundon me pranga
• Konflikti Bardhi-Açka/ Mentor Kikia: Ja si u provokua sherri