Konkurrent Belind Këlliçin për Bashkinë Tiranë? Si përgjigjet Erion Veliaj

Kreu i Bashkisë së Tiranës, Erion Veliaj tha se nuk po bën fushatë për zgjedhjet ndërsa u pyet se a e ndjen konkurrentë kandidatin e opozitës Belind Këlliçi.

Në një intervistë për Euronews Albania, ai tha se shkollat, rrugët apo qarqet nuk po i ndërtojnë për fushatë.

Teksa u ‘zu ngushtë’ nga moderatorja Sidorela Gjoni se ka dosje në SPAK, Veliaj tha se i ka fituar të gjitha betejat me PD-në.

“Unë nuk jam marrë fare me fushatën për zgjedhjet. Ne punojmë çdo ditë, nuk bëjmë shkolla, rrugë apo parqe për fushatë. Ne kemi punuar çdo ditë në 8 vitet e fundit. Ajo që na dallon nga administrate e kaluar, e cila nuk ndërtoi asnjë shkollë. Mendoj se duhet të shohim faktet e jo opinionet. Unë besoj se do të kemi një fushatë të qetë dhe të vazhdojmë me këtë ritëm të transformimit. Mendoj se kontrasti është shumë i qartë.

Unë I kam fituar të gjitha betejat me PD. Kam fituar rreth 10 gjyqe për shpifje. Sigurisht një njeri që punon është ai që sulmohet. Përsa kohë që jam thirrur që t’i shërbejë qytetarëve jam përgatitur që PD për çdo fije bari do shkojë në SPAK, siç jam përgatitur t’i  fitojë të gjitha betejat”- tha ai.

LEXONI GJITHASHTU: 

• Veliaj: Rama dhe unë nuk mund të bëjmë prokurorin, SPAK të hetojë 21 janarin
• Berisha: Ja kush është personi që i dha McGonigal 225 mijë dollarë në emër të Ramës