Kosova drejt zgjedhjeve? Diplomati zbulon skenarin

Diplomati Blerim Canaj tha në një intervistë për Euronews Albania se kohët e fundit në Kosovë flitet shumë për mundësinë e zgjedhjeve.

Ai u shpreh se shpresonte që diçka e tillë të mos ndodhte, por sipas gjithë gjasave në Kosovë do të ketë zgjedhje.

“Opozita ka të drejtë të kërkojë zgjedhje sepse tek e fundit qëllimi i opozitës është ai, por ndoshta më e mençur do të ishte që republika e Kosovës si e tillë, të kryejë detyrat e veta, Kurti të kryejë punën e tij dhe të mos vazhdojë me një populizëm qeveritar dhe Kosova të ecë para, për shkak se të gjithë e dimë që zgjedhjet kanë  kosto dhe të gjithë e dimë që Kosova deri më tani, nuk ka pasur asnjë qeveri që të përfundojë mandatin. Kjo do të thotë, që nëse e shohim nga ky këndvështrim, nuk do të dëshiroja zgjedhje, mirëpo nëse e shoh pozitën ku gjendet Kosova tani dhe formën e politikbërjes së Kurtit, absolutisht do të duhet që të ketë zgjedhje, por se si do të përfundojnë zgjedhjet dhe cila do të jetë qeveria e ardhshme, presim dhe shohim,” – u shpreh Canaj.

LEXONI GJITHASHTU:

• Eurodeputeti austriak: Cili është gabimi i Kurtit në Veri të Kosovës
• Eurodeputeti austriak: Lajçak po mbështet hapur Serbinë kundër Kosovës