Kosova dhe Luksemburgu kanë nënshkruar marrëveshje bashkëpunimi për zhvillim dhe memorandumin e mirëkuptimit për zbatimin e marrëveshjes, në vlerë 35 milionë euro.
Marrëveshja është nënshkruar nga zëvendës kryeministri i Kosovës, Besnik Bislimi dhe ministri i Ekonomisë i Luksemburgut, Franz Fayot.
Bislimi tha se kjo marrëveshje përfshin pesë shtylla kryesore si, arsimin profesional, shëndetësinë, rritje ekonomike të qëndrueshme, zhvillim të mëtejmë të shoqërisë civile dhe fushën e inovacionit.
Ndër të tjera, ai theksoi se memorandumi përcakton fondet vetëm për periudhën 2023-2025.
“Fushat e intervenimit që do të përkrahen nga Luksemburgu i kemi përcaktuar pas diskutimeve intensive mes ekipeve tona dhe ekipit të ministrit. Ato përfshijnë këto prioritete që i ka Qeveria e Kosovës: arsimi, sidomos arsimi profesional, shëndetësia, rritja ekonomike e qëndrueshme, zhvillim i mëtejmë i shoqërisë civile dhe fusha e inovacionit.
Shuma aktuale indikative që parashihet me këtë marrëveshje si përkrahje nga shteti i Luksemburgut për Qeverinë e Kosovës për këto tri vite është 35 milionë euro apo afërsisht 12 milionë euro për secilin vit, që përbën rritje shumë të konsiderueshme në raport me programin e mëparshëm që kishte një shumë vjetore prej 7.5 milionë euro”, u shpreh Bislimi.
LEXONI GJITHASHTU