Kosova sërish pa viza edhe për faj të Vjosa Osmanit, thotë Haxhiu

Analisti Baton Haxhiu tha në emisionin ‘Shock’ në Euronews Albania se fakti që Kosovës sërish nuk ju liberalizuan vizat, është edhe faji i qeveritarëve të sotëm, dikur opozitarë.

Haxhiu solli në vëmendje faktin se presidentja Vjosa Osmani kur ishte pjesë e PDK, bashkë me Vetëvendosjen kishte refuzuar të firmoste marrëveshjen e demarkacionit me Malin e Zi, një kusht i vënë në atë kohë nga BE dhe SHBA në atë kohë që do të mundësonte liberalizimin e vizave për Kosovën.

“Në momente rëndësishme historike duhet të kuptosh se opozitarizmi është i panevojshëm, se mund të marrësh pushtetin siç e ka sot Vjosa, por nuk ke mundësi të arrish asgjë. Për 1 vit e gjysmë parametrat janë të përmirësuara në sistemin e drejtësisë dhe liria e medias, por kjo nuk ka mjaftuar për liberalizmin e vizave. Politikisht, nuk ka liberalizim të vizave pa marrëveshje me Serbinë”, tha Haxhiu.

LEXONI GJITHASHTU:

• Refuzimi i vizave, Haradinaj: Sot nuk humbi Albini, por populli i Kosovës
• Kosova dhe Serbia arrijnë marrëveshjen për energjinë