Kovaçevski: Deputetët do vendosin në Kuvend në lidhje me propozimin francez

Kryeministri i Maqedonisë së Veriut, Dimitar Kovaçevski deklaroi se deputetët do të vendosin në Kuvend në lidhje me pranimin e propozimit francez, çka do të lejonte fillimin e negociatave me BE-në.

Në konferencën e përbashkët për shtyp në Shkup me Presidentin e Këshillit Evropian Charles Michel, Kovaçevski theksoi se ky propozim është bërë publik dhe nuk ka agjë për të fshehur.

“Këtu bisedohet nga propozimi i ardhur nga BE për fillimin e negociatave. Gjithësecili prej nesh është i përfaqësuar në Kuvend nga partitë politike. Deputetët do duhet ta marrin vendimin nëse duhen apo jo të fillojnë negociatat. Propozimi ka ardhur nga 27 përfaqësues të vendeve të Bashkimit Evropian, askush nuk ka fshehur diçka”, u shpreh Kovaçevski.

Në lidhje me protestat para godinës qeveritare, kreu i qeverisë maqedonase tha se janë të organizuara nga opozita, që sipas tij, janë kundër anëtarësimit të Maqedonisë së Veriut në Bashkimit Evropian.

LEXONI GJITHASHTU

• Michel: Nëse RMV-ja pranon propozimin francez, hapen negociatat
• Charles Michel në Shkup, lobon për propozimin francez
• Në Shkup protestohet kundër propozimit francez: S’njeh gjuhën tonë