KQZ: Në 5% të QV kandidatët për deputetë nuk janë larguar mbi 150 metër

Kryetari i KQZ Ilirjan Celibashi mbajti një deklaratë ku ka treguar se si ka shkuar procesi i votimit deri më tani. Pasi bëri një përmbledhje të incidenteve dhe raportimeve të marra nga terreni Celibashi tha se deri më tani situata duket normale.

“Janë rreth 21% e rasteve të personave me aftësi të kufizuara të cilët nuk janë asistuar sipas protokollit.

Pasi ka filluar procesi kemi pasur në 6% të qendrave të votimit ndërprerje, por situata më pas është stabilizuar me ndërhyrjen e KQZ. Kemi një raportim që në 5% të qendrave të votimit nuk ka pasur respektim të distancës, ky është informacion i para 40  minutash. Janë katër qendra votimi ku identifikimi i zgjedhësve po bëhet manualisht.

Në përgjithësi përtej debateve të orës së parë, procesi ka filluar dhe po vijon normalisht. Ka një raportim ku pretendohet për presion ndaj zgjedhësve, kemi pasur raportime si nga stafi jonë edhe nga përfaqësues politik mbi prezencë të kandidatëve për deputet në qendrat e votimit”,-tha Celibashi.

Pjesëmarrja deri më tani është 13: 54%.