KQZ zyrtarizon mandatet për qarkun e Durrësit, kush janë kandidatët fitues

Komisioni Qendror i Zgjedhjeve ka zyrtarizuar këtë të hënë ndarjen e mandateve për qarkun e Durrësit në zgjedhjet parlamentare të 11 majit 2025.

Partia Socialiste ka fituar 8 mandate, ndërsa Partia Demokratike 6 mandate.

Kandidatët fitues nga Partia Socialiste janë: Klodiana Spahiu, Milva Ekonomi, Loer Kume, Skënder Pashaj, Aurora Mara, Arkend Balla, Ani Dyrmishi dhe Etleva Budini.

Ndërkohë, nga Partia Demokratike kanë fituar mandatet: Oerd Bylykbashi, Artan Luku, Manjola Luku, Gent Strazimiri, Igli Cara dhe Arian Ndoja.

Kujtojmë që KQZ hodhi poshtë ankesën e kandidates së PD-së, Andia Ulliri, e cila pretendon mandatin e kandidatit Arjan Ndoja duke e bazuar kërkesën e saj te e drejta e përfaqësimit nga kuotat gjinore.

Kujtojmë se nga zgjedhjet e 11 majit, Partia Socialiste fitoi 83 mandate, koalicioni i Partisë Demokratike 50 mandate, Partia Socialdemokrate 3 mandate, Partia Mundësia 2 mandate ndërsa nga një mandat morën përkatësisht Lëvizja Bashkë dhe koalicioni Nisma Shqipëria Bëhet.

LEXONI GJITHASHTU:

• KQZ zyrtarizon mandatet për qarkun e Fierit, kush janë kandidatët fitues
• Si ndahen mandatet në Elbasan, emrat e kandidatëve fitues pas vendimit zyrtar të KQZ