Kraja raporton në KLP: Kemi konsoliduar qendrën e përgjimeve në vitin 2021

Në Këshillin e Lartë të Prokurorisë po zhvillohet këtë të mërkurë seanca dëgjimore me Drejtuesin e Prokurorisë së Posaçme Kundër Korrupsionit dhe Krimit të Organizuar, Arben Kraja.

Kreu i SPAK po prezanton raportin për veprimtarinë e Prokurorisë së Posaçme gjatë vitit 2021.

Gjatë raportimit të tij, Kraja ka deklaruar se SPAK ka blerë pajisje për laboratorin e ekzaminimeve, me fondet e Agjensicë së Pronave të Sekuestruara dhe Konfiskuara, teksa shtoi se në vitin 2021 është konsoliduar qëndra e përgjimeve.

Kraja shtoi se intitucioni që aji drejton ka punuar edhe për aksesin në të dhënat elektronike.

Ai shoqërohet nga tre prokurorët e tjerë të këtij institucioni, Ened Nakuçi, Klodian Braho, dhe Altin Dumani.

Ndërsa, më 16 maj në Këshillin e Lartë të Prokurorisë do të raportojë edhe Prokurori i Përgjithshëm Olsian Çela. Ai do të paraqesë raportin vjetor për punën e këtij institucioni gjatë vitit 2021.

LEXONI GJITHASHTU

• Pse nuk i kërkohet SPAK të hetojë Vangjush Dakon, si përgjigjet Spiropali
• Nuk po hetohet as Berisha, as Meta, thotë SPAK për Euronews Albania