“Krenari të ngremë flamurin shqiptar në SHBA”, flet sherifi shqiptar nga New Jersey

Edhe në SHBA shqiptarët kanë festuar që në orët e para të mëngjesit Ditën e Pavarësisë.

Gazetari Denion Ndrenika në një lidhje me Euronews Albania nga New Jersey ku u zhvillua ceremonia e ngritjes së flamurit shqiptar, tha se ceremonia është organizuar nga aleanca shqiptare e New Jersey e garantuar nga policia e kontesë, shumica e të cilëve siç tregoi janë shqiptarë nga Struga.

Njëri prej tyre sherifi nga Struga Lirim Kaba tregoi se për shqiptarët që jetojnë në SHBA është krenari të shohin flamurin shqiptar të valëvitet në SHBA.

“Gjatë verës isha atje në Shqipëri, vij çdo verë. Është krenari që sot në SHBA sa shqiptarë kanë mbërritur dhe sot valëvitet flamuri shqiptar. Për herë të parë kam ardhur në Shqipëri në ‘93 dhe kur kam zbritur në Tiranë, jam ulur të pi një kafe, ishte interesante që çdo gjë shkruhej në gjuhën shqipe, dhe u kam thënë kolegëve të mi që edhe nja 10 vjet Tirana do bëhet si Manhatan dhe sot Tirana është si Manhatani. Vij për pushime në Durrës, kalojmë shumë mirë dhe e ndiej veten si në shtëpi”, tha ai.

LEXONI GJITHASHTU:

• Rita Ora uron 111-vjetorin e Pavarësisë së Shqipërisë
• Xhaka, Shaqiri dhe Daku urojnë 111-vjetorin e Pavarësisë