Kreshnik Çollaku: Protesta e 6 dhjetorit është e gabuar, mund të prodhojë incidente

Deputeti i PD-së Kreshnik Çollaku është shprehur se protesta që do të zhvillohet më 6 dhjetor është e gabuar.

I ftuar në emisionin “Review” në Euronews Albania, Çollaku theksoi se atë ditë siguria do të jetë e shtuar në vend dhe mund të krijohen incidente me zhvillimin e protestës.

Ai tha se kjo do të ishte një dhuratë për kryeministrin Edi Rama.

“Reagimet e qeverisë për protestën janë totalisht skandaloze. Për mendimin tim protesta është e gabuar, në një moment të tillë sepse i bëjmë dhuratë të pamerituar Edi Ramës.  Mendoj se është një vendim  i marrë në gjaknxehtësi sepse argumenti se duhet t’i tregojmë miqve europiane se çfarë ndodh në Shqipëri nuk qëndron. Protesta në Tiranë është e rrezikshme sepse mund të hap keqkuptime.

Në momentin që në Tiranë të vjen një elitë aq e lartë politike, dhe parametrat e sigurisë janë të shtuar në vend. Mund të ketë incidente dhe është një dhuratë  të pamerituar Ramës. Ndërkohë një protestë e madhe mund të bëhej dhe në datën 5 ose 7”- tha ai.

LEXONI GJITHASHTU: 

• Përplasen dy makina në hyrje të ‘Rrugës së Kombit’, plagosen tre persona
• Hakmerret Turqia, 1 javë pas atentatit në Stamboll godet bazat kurde në Siri e Irak