Kreshnik Spahiu: Macron e quajti Albin Kurtin “besprerë”, ishte shumë e rëndë

Juristi Kreshnik Spahiu komentoi në “Now me Erla Mëhillin” deklaratën e Emmanuel Macron në Shqipëri i cili kërcënoi se do të pezullojë vizat për Kosovën dhe Serbinë.

Sipas tij ishte shumë e rëndë që ai e quajti Albin Kurtin besprerë. Presidenti francez u shpreh se as Kosova, as Serbia nuk po mbanin fjalën dhe kjo do t’i detyronte edhe ata mos ta mbanin fjalën e tyre.

“Mospartneriteti serioz i Albin Kurtit po i jep mundësi Vuçiçit të forcojë pozitat e veta politike brenda Beogradit dhe më gjerë te serbët në Ballkan, por edhe te kundërshtarët e perëndimit. Pra, sot Vuçiçi ishte në Pekin dhe ishte sot me kreun e Pekinit dhe të Moskës. Nga ana tjetër ne duhet të kuptojmë një gjë, që Perëndimi nuk do të heqë dorë nga Serbia, sepse e ka të domosdoshme të përdorë të gjitha mjetet për ta shkëputur Serbinë, e cila gjeografikisht është në Europë, nga Rusia, dhe do përdorë të gjitha mjetet. Në taktikat e saj nuk duhet të ketë pengesë Prishtinën, të cilën e ka krijesën e vet,” – u shpreh Spahiu.

LEXONI GJITHASHTU:

• “Nëse ulet në bisedime Kurti tradhton Kosovën”, Ngjela: T’i tregojë faturën Serbisë
• Pse ka zero komunikim Rama-Kurti? Deputeti i PS: Zjarri që mund të djegë gjithçka