Pse ka zero komunikim Rama-Kurti? Deputeti i PS: Zjarri që mund të djegë gjithçka

Deputeti i Partisë Socialiste Etjen Xhafaj ishte mbrëmjen e kësaj të hëne i ftuar në emisionin “Now me Erla Mëhillin” në Euronews Albania për të folur rreth mbarëvajtjes së Samitit të Procesit të Berlinit, i cili u mbajt për herë të parë në Tiranë.

Ndër çështjet e diskutuara në studio ishte edhe marrëdhënia mes dy kryeministrave shqiptar Rama dhe Kurti. Xhafaj tha se nuk është e vërtetë se mes dy kryeministrave nuk ka komunikim, por ai tha se shpesh për hir të politikës së brendshme përdoret politika e jashtme, duke i ndezur kështu  siç u shpreh ai “një zjarr i cili mund të djegë gjithçka”.

“Ky është presupozim që ju po bëni që ka zero komunikim mes Ramës edhe Kurtit. Kryeministri i Kosovës dhe kryeministri i Shqipërisë sigurisht që kanë kanale komunikimi edhe kur komunikimi është i vështirë. Çështja është se për efekte politike të brendshme si në Shqipëri edhe në Kosovë konsumohet politikë e jashtme, pra në një farë mënyrë i hidhet vajguri një zjarri i cili mund të djegë gjithçka. Politika e jashtme e Shqipërisë është në këto momente në kulmin e fuqive të saj diplomatike, por nuk ka kërkuar asnjëherë të ndërhyjë”,-tha Etjen Xhafaj.

LEXONI GJITHASHTU:

• Sulmi në Bruksel, Macron nga Pallati i Brigadave: Europa jonë është e tronditur
• E quajti Ramën “babai i kombit”, kryeministri i Malit të Zi zbulon arsyen