Ish-kryetari i Aleancës Kuq e Zi, Kreshnik Spahiu deklaroi ish-presidenti i Kosovës, Ibrahim Rugova nuk ka pranuar që të takojë ish-kryeministrin, Sali Berisha.
Në emisionin “Now” në Euronews Albania, Spahiu u shpreh se të dy ata kishin konflikt me njëri-tjetrin.
Ndër të tjera, Spahiu nënvizoi se Rugova nuk takonte as ish-kryeministrin, Fatos Nano.
Sipas tij, elita politike në Shqipëri është provinciale, teksa shtoi se liderët kanë mentalitet bajraktarësh.
“Kam takuar Ibrahim Rugovën personalisht që të pajtohet me Sali Berishën. Kemi tentuar që t’i pajtohen për hir të një çështjeje kommbëtare. Ka refuzuar, derisa vdqi nuk pranoi Rugova të takonte Berishën. Nuk them kush e kishte fajin, ata të dy kishin konflikt. Rugova ndërpreu marrëdhëniet me Shqipërinë. As Fatos Nanon dhe as Sali Berishën.
Madje, kur erdhi tranzit në Rinas, nuk pranoi të takonte askënd. Marrëdhëniet Shqipëri-Kosovë kanë pasur turbulenca të jashtëzakonshme, kjo është e vërteta. Sot elita politike është provinciale. Kanë mentalitet bajraktarësh, nuk e duan njëri-tjetrin, duan të jenë të parët në fshatin e tyre”, theksoi ai.
LEXONI GJITHASHTU
- Akuzat e Molliqajt: Si presidentja Osmani po kërkon komb kosovar dhe jo shqiptar
- “Të përgatitemi për bashkim kombëtar”, Kreshnik Spahiu: Mund të jetë dhuratë
- “80% e shqiptarëve duan bashkim kombëtar”, pedagogu: Sekreti pse s’mund të ndodhë
