Kreu i shoqatës: Biznesi i vogël s’përfiton nga paketa e rezistencës

Kreu i shoqatës së biznesit të vogël, Albert Nasto tha për Euronews Albania në “Mirëmëngjes” se ata nuk përfitojnë nga paketa e rezistencës.

Nasto tregoi se nuk ka asnjë biznes të vogël apo të mesëm që harxhon më pak se 300 kilovat dhe si rrjedhojë nuk mund të përfitojnë nga ndihma e qeverisë. Sipas tij ky lehtësim mund të shkojë për 3-4% të bizneseve. Ai shtoi se TVSH-ja është zero për biznesin e vogël, por taksat vendore janë dyfishuar.

Sa i takon mbylljes së këtyre bizneseve, Albert Nasto pohoi se gjithçka ka nisur me pandeminë, sepse ndihma nga shteti ishte e papërfillshme.

“1.4%  e GDP-së kur vendet e tjera si Kosova patën gati 1.9% të GDP-së ndihmë për biznesin e vogël. Mos të marrim Serbinë që ndihmoi me 4.6% të GDP-së që do të thotë bëri një ndihmë të madhe plus shkurtimeve të taksave lokale,” – u shpreh kreu i shoqatës.

Pas pandemisë, Nasto tha se ndikim ka pasur dhe informaliteti, ku citoi të dhënat e INSTAT: 45% e biznesit punon në të zezë. Goditja e fundit ishte dhe kriza e luftës në Ukrainë.

LEXONI GJITHASHTU:

• Rritja e çmimeve mbyll bizneset, rreth 15 çregjistrohen çdo ditë
• Kreu i Dhomës Amerikane të Tregtisë, Jaço: Paketa stimuluese e qeverisë, e pamjaftueshme