Sako: Zviceranë dhe francezë po blenë apartamente, më marrin nga Athina në telefon

Emirjana Sako, kryetarja e Bashkisë Durrës dhe kandidatja e PS për një mandat tjetër në këtë bashki tha në emisionin Now në Euronews Albania se marina e jahteve është një projket modern që do të zhvillojnë ekonomikisht qytetin.

Ajo u shpreh se shtetas të huaj, nga Zvicra, Franca, Athina janë duke prenotuar për të blerë apartamente në marinën e jahteve.

“Është projekti më i rëndësishëm në Shqipëri. Do hapë 12 mijë vende pune, por bashkia do marrë taksa edhe pasi të ndërtohet, do kemi hapësira publike, do kemi akses, sot porti është i mbyllur për publikun. E shohim si një kartëvizitë, që jep një impakt të rëndësishëm për qytetin. Ka prenotime të apartamenteve, avantazh tjetër është që po prenotojnë të huaj, nga Zvicra, Franca, Italia. Mua personalisht më kanë në telefon mjekë nga Athina që duan të blejnë aty”, tha Sako.

LEXONI GJITHASHTU:

• Sako: Nuk ia kërkova Vangjush Dakos të më mbështesë në zgjedhje
• Sako apo Cara? Lavdrim Lita: Durrsakët të paparashikueshëm