Kryebashkiaku “në dorë” të prefektit, çfarë parashikon projektligji i ri i qeverisë

Prefekti i qarkut mund të shkarkojë kryetarin e Bashkisë. Po ashtu, ai do të monitorojë zbatimin e punës në projektet që kryhen me fonde lokale dhe do të administrojë raportimet e policisë për situtanë e rendit. Këto janë kompetencat që do të marrin 12 prefektët e vendit, në ligjin e ri të hedhur për konsultim nga Ministria e Brendshme.

Ndryshimet e propozuara synojnë të forcojnë rolin e prefektit, si përfaqësues i Këshillit të Ministrave në qark. Sipas relacionit, domosdoshmëria e ndryshimeve ligjore, bëhet për të mundësuar shërbime dhe qeverisje sa më pranë qytetarëve.

Por për ekspertët e pushtetit vendor disa nga kompetencat e reja që pritet t’i shtohen Prefektit të Qarkut, prevalojnë mbi ligjin aktual të vetëqeverisjes vendore ose në raste të caktuara mbivendosin autoritetin e Prefektit me autoritete të tjera.

Në ndryshimet ligjore është parashikuar edhe thirrja e ekspertëve të jashtëm në fushat për të cilat nevojitet ekspertiza, si dhe mbikëqyrja e këtij shërbimi nga nënprefekti, përmes fondeve të veçanta në buxhet.

LEXONI GJITHASHTU: 

• Kryebashkiaku “në dorë” të prefektit, çfarë parashikon projektligji i ri i qeverisë
• Balla propozon ndryshime në kodin penal për rritjen e sigurisë në shkolla