Kryebashkiaku polak zë ngushtë Salvinin me bluzën e Putinit

Kreu i Bashkisë së qytetit Przemyśl në Poloni, që është pika kryesore e kalimit me Ukrainën është konfrontuar me Mateo Salvinin, liderin e të djathtës ekstreme në Itali.

Kryebashkiaku Wojciech Bakun ftoi liderin e Ligës së Veriut për të vizituar qendrën e pritjes së refugjatëve të luftës.

Gjatë deklaratës për mediat ndërsa qëndronte krah Salvinit, i cili njihet si një ish-mbështetës i Putinit, ai nxorri një bluzë ku ishte stampuar imazhi i presidenti rus dhe fjalët ‘Ushtria e Rusisë’.

“Eja me mua në kufi dhe dënoje atë”, tha Bakun duke ftuar Salvinin që të vishte bluzën dhe të shikonte se çfarë kishte bërë ‘miku i tij’.

Salvini u përpoq që ta ndërpriste duke thënë se ishte aty për të ndihmuar refugjatët.

Kur u pyet nëse e dënonte Putinin, Salvini u përgjigj: “Sigurisht, ne e dënojmë luftën”.

Një grup gazetarësh dhe fotoreporterësh nga Italia që ishin prezent, nisën ta quanin Salvinin “kloun” dhe “palaço”.

Në të kaluarën, Salvini i ka thurur lavde Putini duke e cilësuar presidentin rus si “një nga burrat e shtetit më të mirë”.

Partia e tij është akuzuar se ka marrë para nga Kremlini, por Salvini i ka mohuar këto pretendime.