Kryebashkiaku socialist thirret në SPAK, shtyhet marrja në pyetje

Kryebashkiaku i Kamzës Rakip Suli është thirrur të pyetet në SPAK pas kallëzimit të anëtarëve të PD në keshillin bashkiak per shpërdorim detyre.

Por marrja në pyetje ështëë shtyrë për në datë 6 nëntor. Sipas kallëzimit kryebashkiaku i Kamzës ka marrë vendime me mbledhje online ku ka marrë vendime, por akuzohet edhe për abuzime me dëmshperblimet.

Gazetari Eni Ferhati tha për Euronews Albania se arsyeja se përse seanca u shty ishte se Rakip Suli u njoftua shumë vonë për marrjen në pyetje.

“Zoti Suli ishte thirrur për t’u paraqitur në ditën e sotme në orën 12 pranë prokurorisë së posaçme,  lidhur me një kallëzim që kanë depozituar për të këshilltarët bashkiakë të partisë demokratike lidhur me akuzat e shpërdorimit të detyrës. Zoti Suli nuk është paraqitur për shkak se njoftimin për t’u paraqitur në prokurorinë e posaçme ai e ka marrë me vonesë, kështu që marrja në pyetje për zotin Suli do të shtyhet më 6 nëntor”,-tha gazetari Eni Ferhati.

LEXONI GJITHASHTU:

• Zbardhet kërkesa e prokurorisë për të ndaluarit e sherrit te Kepi i Rodonit
• VIDEO| Gruaja në Tiranë dhunon qenin e saj, e qëllon me shqelma në ashensor