“Kryemaskarai po nënshtron maskarenjtë e tjerë”, Bushati përplaset me Ndrecën

Juristi Plarent Ndreca thotë se hetimet e SPAK për llir Metën nuk nisën se e kërkoi Edi Rama, por pas një kallëzim të bërë një ish-kandidat i opozitës.

Në emisionin ‘Now’ në Euronews Albania Ndreca u përplas me analistin Andi Bushati, i cili u shpreh se Edi Rama po i përdor institucionet që nga SPAK tek Autoriteti i Dosjeve për qëllime politike.

“Jemi në kushtet që kryemaskarai po nënshtron maskarenjtë e tjerë”, tha Bushati.

Sipas Ndrecës, gjithë diskutimi që bëhet nëse duhet hetuar apo jo Ilir Meta është një përpjekje për të relativizuar atë që ka ndodhur, qoftë edhe 30 vjet më parë, të cilën siç tha shqiptarët kanë të drejtë ta dinë.

“Çdo të vërtetë që ka ndodhur edhe para 30 vjetësh shqiptarët duhet ta dinë. Sa herë që fillon hetimet për një pjesëtar të opozitës thuhet e ka bërë mazhoranca”, tha Ndrecaj.

LEXONI GJITHASHTU:

• ‘Rama ka kapur çdo pushtet’, Andi Bushati: Kontrollon SPAK dhe Autoritetin e Dosjeve
• Andi Bushati: Nëse Meta del spiun, Berisha dhe Rama të shporren nga jeta politike