Kryetari i bashkisë Rrogozhinë, Edison Memolla në SPAK

Kryetari i bashkisë Rrogozhinë, Edison Memolla është paraqitur këtë të enjte në SPAK nën shoqërinë e avokatit Ermal Yzeiraj.

Deri në këto momente, burime për Euronews Albania konfirmojnë se zyrtarit të lartë i janë komunikuar dy akuza nga prokurori i SPAK, Edvin Kondili.

Korrupsion në zgjedhje dhe kanosje e zgjedhësit janë dy akuzat që rëndojnë mbi Memollën.

“Memolla akuzohet lidhur me një episod në muajin mars të vitit 2023, vetëm pak kohë para zgjedhjeve lokale të 14 majit ku zoti Memolla ka ndërhyrë për të mos ndërprerë dritat në një banesë, ku kryefamiljarja e kësaj banese ishte debitore sa i takon pagesës së energjisë elektrike, por Edison Memolla në cilësinë e kryetarit të bashkisë ka ndërhyrë dhe në këtë bisedë që është sekuestruar nga SPAK dhe që në fakt në atë kohë është bërë publike edhe në media, zoti Memolla ka komunikuar me një elektricist të cilit i ka kërkuar që të mos i ndërpriste energjinë elektrike kësaj familje edhe pse kjo familje ishte debitore, por ta lejonte derisa të kalonin zgjedhjet dhe më pas t’i paguante zoti Memolla këto detyrime të ksaj familje,” – u shpreh gazetari i Euronews Albania, Eni Ferhati.

LEXONI GJITHASHTU:

• EMRI| 36-vjeçari ndërron jetë në burgun e Rrogozhinës, i dënuar për drogë e vjedhje
• “Kur përsëriten zgjedhjet ka rënie të votuesve”, Balliu: Rrogozhina për Guinness