KSHH: Media mos të kushtëzohet t’i referohet materialeve të regjistruara të partive

Komiteti Shqiptar i Helsinkit me anë të një deklarate u ka sugjeruar mediave që të mos detyrohen që gjatë fushatës zgjedhore tu referohen materialeve të prodhuara nga partitë politike të cilat zgjedhin të komunikojnë me votuesit e tyre me mënyra të ndryshme dixhitale si transmetimet direkte në platforma të ndryshme apo edhe podcastet.

Sipas KShH është shumë e rëndësishme që media në këtë periudhë të fushatës së zgjedhjeve të ushtrojë e pavarur shtypin e lirë në monitorim si dhe të japë informacion dhe ide për tema me interes publik.

“KShH vlerëson se, në funksion të plurarizmit mediatik, lirisë editoriale dhe nevojës për të verifikuar informacion gjatë periudhës zgjedhore, është shumë e rëndësishme që media të mos jetë “e detyruar” apo “kushtëzuar” ti referohet përmbajtjes së materialeve të prodhuara nga partitë politike, duke përfshirë këtu filmimet e pararegjistruara, programet e disponueshme në formatet dixhitale që shkarkohen në internet (podcast), apo forma të tjera të transmetimit live që krijojnë një mjedis vetë-censurues, tepër të dëmshëm për lirinë e medias në vendin tonë”,- shkruhet në deklaratën e Komitetit Shqiptar të Helsinkit.

LEXONI GJITHASHTU:

• Kosova zyrtarisht shtet kandidat për organizimin e Lojërave Mesdhetare 2030
• Rama-Berisha “përplasen” me podkaste| Beteja jo më vetëm në parlament
• Rama-Berisha “përplasen” me podkaste| Beteja jo më vetëm në parlament