“Sekretet e shtetit në duart e Vlora Hysenit”, Qafoku: Ja pse e zgjodhi Rama

Roland Qafoku tha për Euronews Albania se nuk është rastësi emërimi i Vlora Hysenit në krye të Shërbimit Informativ Shtetëror.

Sipas tij përveçse një specialiste e mirëfilltë e fushës ajo ka qenë edhe këshilltare për sigurinë e kryeministrit Rama.

“Kryespiuni i Kosovës emërohet kryespiun i Shqipërisë domethënë ajo që ka drejtuar shërbimin sekret të Kosovës tashmë do drejtojë Shërbimin Informativ Shtetëror. Nuk ka ndodhur në asnjë kohë që drejtuesi i shërbimit sekret të një shteti të bëhet drejtues i shërbimeve sekrete të një shteti tjetër.

Unë besoj se Vlora Hyseni është një specialiste e mirëfilltë me një karrierë shumë të gjatë të shërbimeve sekrete  dhe përpara se të merrte këtë detyrë ajo ishte këshilltare për sigurinë e kryeministrit Rama. Nuk ishte një njeri pa punë që direkt nga Kosova erdhi në Shqipëri. Ajo e njeh punën e Shërbimit Informativ Shtetëror dhe ka qenë një lloj transmesioni mes këtij institucioni dhe kryeministrit”,-tha për Euronews Albania, Roland Qafoku.

LEXONI GJITHASHTU

• Musk zhduk “cicërimat” e Twitter, logoja e zogut zëvendësohet me qen
• Gjyqi në Hagë, Balla: Nuk ka prova për akuzat e ngritura ndaj ish-komandatëve të UÇK
• Polonia bëhet gati për luftë, analisti sqaron përballjen me Rusinë